12月15日星期二..話咁快到左一年入邊最後一個月..

話咁快呢一個月又過左一半..人愈大時間過得仲快。

今日放假..晏晝起身諗住同陳子謙去葵芳食完野就

去工展會行下..點知食埋野都3點..懶得出就係葵芳

hea..揀左 風雲II 睇..我不嬲都唔鐘意睇呢類戲..打

鬥之中夾雜埋d龜波氣功..再加上我唔鐘意鄭伊健..

套野我比55分..不過有城城同何家勁睇都好d。

睇完行陣街買埋送番馬灣煮送食飯睇tv。

12月7號..好似好耐冇落過雨..工作左12小時後

番左馬灣..終於捱夠4日..可以放假了。

12月8號放假..下雨天與劉嘉裕在葵芳hea左一

個下午..吹了很多水..少少收穫..買埋daisy =)

夜晚與陳子謙番大埔食晚飯..我想晴天。

朋友  最緊要開心

12月11號星期五..呢排成日都好累..又好好胃口..

增肥中..收工番到馬灣又有宵夜..唔肥都難。

12月12號星期六..收工去荃灣join陳子謙..鴨..man

同吳浩..買埋野食就入馬灣十下十下..十完就打

麻雀..成晚好多和局..我食得好似3鋪-_-"大家散

水後..睇埋曼聯 0:1維拉..貝碧托夫剪左頭髮即

樣衰左超級多..唉..最後都要失分..四點幾先訓。

12月13號放假..晏晝起身食完飯就係攪清潔..累。

夜晚番大埔與家人晚飯..再打麻雀!!

公司個舖位6月終止合約..間野成廿年..如果依家

搬舖唔知搬去邊呢..希望唔好又係番第一城-_-

12月14號星期一..工作10h收工番馬灣..原來聽日

係我放假..吊左假自己都唔記得..好彩發現得早。

11月29號星期日照常番工..1030-1300既標準工時..

慣性都OT至1600左右..試問半晝點睇得哂70人??

攪到我六點幾先趕番馬灣食盤菜..今日好多人好

熱鬧..食完就睇宮心計..睇埋巨聲就訓了。

11月30號星期一..工作工作..收工番大埔。

12月1號星期二..自上星期一其實食完元氣..都有

少少痛肚..每晚都痛一陣先訓到..但又冇瀉..只係

形態唔同左。今日食梗個lucnh..開始又肚痛..食完

唔洗一陣..食次係肚痛到要標去toilet個隻  去完

即刻睇醫生..原來係腸胃炎..我仲吽左成個禮拜都

冇理佢,,唉。

12月2號星期三..收工與陳子謙番大埔食晚飯。

12月3號星期四放假..訓醒食埋晏就去旺角睇 9..

套野比65分..其實唔係唔好睇..不過我本身就唔鐘

意睇呢類既戲..時間又短..唔值得入戲院睇。

睇完食埋飯就番馬灣了。

12月4號同埋5號都係番工忙到扒街..每次想轉工之際

就會諗..冇乜診所係可以咁高人工..就會唔想走..唉。

12月6號星期日番工d時間都幾快過..我成個禮拜剩係

番過自己大埔屋企一次..今晚本身都番去食飯打牌..

但條佬又病入膏肓..拿拿臨收工番去送藥..之後自己

一個落樓下食飯..食完飯上樓睇下電視又過一日。

11月21日星期六..1030-1730先收工..之後去葵芳會合

陳子謙..再同吳浩..man..賢等人十下十下..都打左幾

個鐘..再齊齊入番馬灣打麻雀打通頂..嬴錢 =)

11月22號星期日放假..0600訓到1730..再與陳子謙

屋企人食晚飯.. 我覺得我既生活愈來愈平淡..同埋

我覺得自己好似冇咩朋友。

11月23號星期一..與陳子謙一起了十三個月了 =)

去左又一城兜左轉..再番葵芳食飯..食完番馬灣。

11月24號星期二..番工收工..與陳子謙一齊番大埔,,

最近同條佬既拗叫多左..係咪新一個階段

11月25號星期三..下好彩今日番5粒鐘..臨收工發現

自己又發燒..頂..拿拿林番大埔。

11月26號星期四..琴晚好早訓左因為高燒...今朝訓

醒就退番..不過胃口都幾差而且想嘔 (有左???)

下晝好番好多..睇埋宮心計就番馬灣了。

11月27號星期五..近期係FB既時間唔長..但係打XG

既時間都更加短..同埋發現少好多人用XG了。今日

如常番工..老闆坐埋黎我地台一齊食飯..真開胃

今日工作左12小時..shit..拉住疲倦既身軀番馬灣。

11月28號星期六放假..肚痛到醒左..晏晝與陳子謙

出葵芳走一轉..食埋晚飯番屋企睇宮心計同曼聯..

樸茅輸1-4..場波3球PK..有趣有趣。

最近對你既感覺..好似真係唔同左..你呢??

11月16日星期一  今日出奇地少人睇醫生  可能太涷d

人收工都即刻番左屋企  哈哈  準時收就即刻番馬灣。

11月17日星期二  琴晚比陳子謙嘈醒幾次  條友仔無

啦啦同我講想嘔   佢 : 我應該隨時會嘔。我個人都未

醒得哂就衝去搵膠袋搵藥  不過最尾都係嘔哂出黎 

我見到d "食物"好多都係好完整  冇乜點咬斷過 

朝早番工涷到扒街  晏晝食到勁飽等收工番馬灣。